Ўзбекистон Осиёнинг энг бой тарихий меросга эга мамлакати деб топилди
22 ноябрь куни Куала-Лумпур шаҳрида Малайзия туризм, санъат ва маданият вазири ўринбосари Муҳаммад Бахтиёр бин Ван Чик Ўзбекистон элчиси Равшан Усмоновга Ўзбекистон «Осиёнинг энг бой тарихий меросга эга мамлакати» деб тан олинганлиги тўғрисидаги дипломни топширди.
Ғолиблар Малайзиянинг «Research House of Asia Media» медиа компанияси томонидан Осиё минтақаси мамлакатларида ўтказилган ижтимоий ва маркетинг тадқиқотлари натижалари асосида аниқланди.
«Research House of Asia Media» Малайзиянинг йирик нашриёт уйларидан бири ҳисобланади ва «The Top 10 of Asia», «The Top 10 of Malaysia», «The Top 10 of Indonesia», «The Top 10 of Singapore», «The Top 10 of Thailand» ҳамда «The Top 10 of Lifestyle» журналларини чоп этади.
Тақдирлаш маросимида Осиёнинг 20 мамлакатидан 1000га яқин киши иштирок этди.
Маросимда қайд этилишича, Ўзбекистонда ЮНЕСКО Бутунжаҳон меросига киритилган бешта объект жойлашган.
Мавзуга оид
07:50
Малайзия Ўзбекистонда дронлардан фойдаланиш кўламини кенгайтиради
20:50 / 17.09.2024
Россиялик блогер Ўзбекистон поездидаги саёҳатни «ҳақиқий синов» деб таърифлади
16:14 / 31.08.2024
Ўзбекистон ва Малайзия "Ҳалол" сертификатини жорий этишни муҳокама қилди
17:32 / 30.08.2024