Бухорода Nexia-2 автобус билан тўқнашди, 3 киши ҳалок бўлди
Бухоро вилоятида автобус билан тўқнашган Nexia-2 автомашинаси ҳайдовчиси ва 2 нафар йўловчиси вафот этди. Бу ҳақда Ўзбекистон Республикаси ИИВ ҳузуридаги Тергов департаменти хабар бермоқда.
Қайд этилишича, 2019 йил 29 ноябрь куни тахминан соат 07:00ларда Nexia-2 русумли автомашина ҳайдовчиси Бухоро вилоят Жондор тумани ҳудудидан ўтувчи Тошкент-Қорақалпоғистон А-380 йўлининг 305 км.да ҳаракатланиб келаётган вақтида бошқарувни йўқотиб, қарама-қарши йўналишга чиқиб кетиши оқибатида, ушбу йўналишда келаётган Higer русумли автобуснинг олд қисми билан тўқнашиб, йўл-транспорт ҳодисаси содир қилган.
Оқибатда Nexia-2 автомашинасининг ҳайдовчиси ва 2 нафар йўловчиси ҳодиса жойида вафот этган.
Ҳозирда ҳодиса жойи тергов-тезкор гуруҳи томонидан кўздан кечирилиб, ЙТҲнинг келиб чиқиш сабаблари ва вафот этганларнинг шахсини аниқлаш чоралари кўрилмоқда, ҳолатнинг тафсилотлари юзасидан қўшимча маълумот берилади.
Мавзуга оид
13:54 / 10.09.2024
2025 йил сентябр ойида Бухоро биенналеси ташкил этилади
20:34 / 31.08.2024
“Аввало ўзбек тилида ёзилсин” — Бухорода реклама баннерлари ва лавҳалар нега олиб ташланяпти?
16:23 / 29.07.2024
Волгоград областида йўловчи поезд юк машина билан тўқнашди
15:50 / 27.07.2024