Хитойнинг Сучжоу шаҳрида антиқа объект – дарё бўйида тошқинлар вақтида шаҳарни ҳимоялаш учун мўлжалланган 500 метрлик девор пайдо бўлди. Деворнинг антиқалиги шундаки, унинг барча элементлари 3D-принтерда босилган.
Деворни лойиҳалаш ва қуриш билан шуғулланган Winsun компанияси уни қуриш учун 3D-босмани бежизга танламаган, чунки у нафақат материаллар ва вақтни тежашга, балки соҳил чизиғини сақлаб қолишга имкон берган. Таъкидланишича, девор анъанавий равишда қурилганда бунинг иложи бўлмасди.