Фото: Тошкент шаҳар ФВБ
2020 йил 14 январь куни соат 03:10да, Яккасарой тумани, Ш.Руставли кўчаси 30-уй 12-хонадонда уй жиҳозлари 2 кв.м. майдонида ёнган.
Тошкент шаҳар ФВБ хабарига кўра, ёнғин-қутқарув жанговар бўлинмалари чақирилган манзилга соат 03:15да етиб борган ва кўрилган тезкор чора ва ҳаракатлар натижасида ёнғин соат 03:33да бартараф этилган.
Ёнғин натижасида 78 ёшли эркак киши ҳалок бўлган.
Ёнғин маст ҳолда сигарета чекишда эҳтиётсизлик оқибатида содир бўлган, деб тахмин қилинмоқда. Ёнғиндан келтирилган моддий зарар миқдори аниқланмоқда. Ёнғин жойига 3та ёнғин-қутқарув техникаси жалб қилинган.
Тошкент шаҳар ФВБ ёнғин хавфсизлиги қоидаларига қатъий риоя этишни сўраб қолган.
