Ўзбекистон Хитойга инсонпарварлик ёрдамининг иккинчи партиясини жўнатди

Бугун, 3 март куни Ислом Каримов номидаги Тошкент халқаро аэропортида Ўзбекистон президентининг биродар Хитой халқига дўстона ёрдамининг иккинчи партияси жўнатилди.

Фото: KUN.UZ

Инсонпарварлик ёрдамининг иккинчи босқичи Фавқулодда вазиятлар вазирлиги томонидан тегишли вазирлик ва идоралар билан ҳамкорликда шакллантирилди.

Бу гал “Ўзтўқимачиликсаноат” уюшмаси корхоналари томонидан тайёрланган махсус тиббий кийимлар, тиббий ниқоблар ва тиббий докалар жўнатилди.

Эслатиб ўтамиз, 12 февраль куни Ўзбекистон Хитойга тиббий буюмлар шаклида инсонпарварлик ёрдамининг биринчи партиясини юборди.

Бу коронавируснинг янги турига (nCoV-2019) қарши курашиш ва унинг тарқалишини чеклаш бўйича Хитой томонининг саъй-ҳаракатларини қўллаб-қувватлаш ва уни бартараф этиш бўйича биргаликдаги чора-тадбирларни таъминлаш мақсадида амалга оширилди.

Тайёрлаган: Отабек Матназаров

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.