Англия Премьер-лигаси 29-тури доирасидаги марказий учрашув «Манчестер Юнайтед» ва «Манчестер Сити» клублари ўртасида ўтди.
«Олд Траффорд»да кечган қарама-қаршиликнинг 30-дақиқасида ҳисоб очилди. Бруну Фернандешнинг чиройли узатмасидан кейин Марсияль ажойиб зарбаси билан Эдерсон дарвозасини ишғол этди – 1:0.
Иккинчи бўлимнинг бошида Агуэро ҳисобни тенглаштирди, аммо VAR тизими орқали гол ўйиндан ташқари ҳолатда киритилгани аниқланиб, бекор қилинди.
90+7-дақиқада эса Эдерсоннинг қўпол хатосидан кейин Мактомини чамаси 35 метрлардан бўш дарвозани ишғол этиб, жамоасига ишончли ғалабани тақдим этди – 2:0.
Шундай қилиб, АПЛ доирасидаги мавсумдаги иккинчи «Манчестер дербиси»да ҳам Сульшер Гвардиолани мағлуб эта олди.
Муҳим ўйиндаги ғалабадан сўнг «МЮ» очколари сонини 45тага етказиб, 5-ўринда қолди. «Сити» эса 57 очко билан 2-ўринда бормоқда.
АПЛ. 29-тур. 8 март (якшанба)
Манчестер Юнайтед – Манчестер Сити 2:0
Голлар: 1:0 – 30 Марсьяль, 2:0 - 90+7 Мактомини.
Манчестер Юнайтед – Де Хеа, Уильямс (Байи, 78), Шоу, Линделеф, Уан-Биссака, Бруну Фернандеш, Матич, Жеймс, Фред, Марсьяль (Мактомини, 78), Магуайр.
Манчестер Сити – Эдерсон, Отаменди, Жоау Канселу, Зинченко (Менди, 77), Фернандиньо, Бернарду Силва (Марез, 59), Родри Эрнандес, Фоден, Гюндоган, Стерлинг, Агуэро (Габриэл Жезус, 59).
Огоҳлантиришлар: Фернандиньо (29), Родри Эрнандес (30), Фред (42), Жоау Канселу (59).
