Коронавирусга чалинган биринчи бемор 17 ноябрдаёқ аниқланган - ОАВ

Хитойда янги турдаги коронавирусга чалиниш бўйича биринчи ҳолат аввал тахмин қилингандек, 2019 йил декабрда эмас, балки 17 ноябрдаёқ қайд қилинган.

Фото: EPA-EFE

Бу ҳақда ҳукумат ҳужжатларига таяниб South China Morning Post нашри хабар берди.

Нашр маълумотларига кўра, гап коронавирус тарқалиши ўчоғи ҳисобланган Хубэй провинциясида яшаган 55 ёшли эркак ҳақида бормоқда.

Ҳаммаси бўлиб ноябрда Хубэйда 9 нафар касалланган аниқланган, бироқ улардан бирортаси вирусдан биринчи зарарланган “нолинчи бемор” сифатида тасдиқланмаган.

Айни вақтда дунё бўйлаб коронавирусга чалинганлар сони 135 мингга, вафот этганлар сони 5 мингга яқинлашиб қолди. 11 март куни Жаҳон соғлиқни сақлаш ташкилоти коронавирус тарқалишини дунё кўламидаги эпидемия - пандемия деб эълон қилган.

Тайёрлаган: Шуҳрат Раҳимов

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.