Хитойда 103 ёшли кекса аёл коронавирусдан 6 кунда соғайиб кетди

Фото: Chutian Metropolis Daily

Уханлик 103 ёшли аёл Чжан Гуанфэнь коронавирусдан соғайиб кетди. Аёл шифохонада 6 кунлик даволашдан ўтгач, уйига рухсат берилган.

Бу ҳақда Daily Mail нашри хабар берди.

Аёл коронавирусдан соғайиб кетган дунёдаги энг кекса киши бўлди. Унга 1 март куни Ухандаги Лиюань шифохонасида коронавирусга чалиниш ташхиси қўйилган. Кекса аёл шифохонага тушганда оғир аҳволда бўлган ва шифокорлар билан базўр гаплаша олган.

Аёлга қараган шифокорнинг таъкидлашича, Чжан Гуанфэнь сурункали касалликларга эга бўлмагани сабабли тез соғайиб кетган.

Тайёрлаган: Шуҳрат Раҳимов

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.