АҚШда коронавирусга қарши вакцинани синовдан ўтказиш бошланади

Дональд Трамп коронавирусга қарши курашиш учун саккиз миллиард доллардан ортиқроқ пул ажратган. Ундан уч миллиарди вакцина ишлаб чиқишга сарфланади.

Фото: AP

Вашингтонда клиник синовлар доирасида илк иштирокчи коронавирусга қарши эҳтимолий вакцинанинг синов дозаси билан эмланади. Бу ҳақда ўз манбасига таяниб Associated Press хабар берди.

Сиэтлдаги the Kaiser Permanente Washington Health Research Institute тадқиқот марказида ўтказиладиган синовларда 45 нафар кўнгилли иштирок этади. Лойиҳани Сиэтлдаги The National Institutes of Health молиялаштирган.

Аввалроқ АҚШ президенти Дональд Трамп коронавирусга тест топширгани хабар қилинганди.

Трамп коронавирусга қарши курашиш учун саккиз миллиард доллардан ортиқроқ пул ажратган. Ундан уч миллиарди вакцина ишлаб чиқишга сарфланади.

Охирги маълумотларга кўра, АҚШда 3,7 мингдан ортиқ киши коронавирусга чалинган, 65 киши вафот этган, 9 киши соғайиб кетган.

Тайёрлаган Дилшод Аскаров

#АҚШ #вакцина #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.