Тошкентда иссиқ сув таъминотини яқин вақт ичида ўчириш режалаштирилмаган

Иссиқ сув таъминоти фақат алоҳида ҳолларда, носозликларни бартараф қилиш учун қисқа муддатга тўхтатилиши мумкин

Фото: Shutterstock

Тошкент шаҳрида иссиқлик таъминоти ва иссиқ сув ўчирилишининг аввал эълон қилинган жадвали коронавирус тарқалишининг олдини олиш чоралари сабабли қайта кўриб чиқилди.

Тошкент шаҳар ҳокимлигининг хабар беришича, яқин вақт ичида ўчирилиш режалаштирилмаган.

“Иссиқ сув таъминоти фақат алоҳида ҳолларда, носозликларни бартараф қилиш учун қисқа муддатга тўхтатилиши мумкин”, - дейилади маълумотда.

Бундан олдин, Ўзбекистонда коронавирус қайд этилганлар сони 8 нафарга етгани хабар берилганди.