Алишер Усмонов карантин сабаб вақтинча Тошкентга кўчиб келди

Миллиардер Алишер Усмонов коронавирус пандемияси вақтида Тошкентда изоляцияда яшашга қарор қилди. Бу ҳақда у Forbes’га берган интервьюсида маълум қилди.

Фото: Maxim Shemetov / Reuters

«Шубҳасиз, коронавирус пандемияси бизнесга ҳам ва афсуски, жаҳон иқтисодиётига ҳам таъсир қилади. Тадбиркорларнинг нафақат активлари, балки мажбуриятлари ҳам бор. Улар учун вируснинг ўзи ҳам, бозорларни силкитиб юборган ахборот тўлқини ҳам хавфли.

Пандемия қаршисида ҳамма тенг, Худо сақласин. Ҳозир энг муҳими – одамлар саломатлиги ва бахти учун дунё давлатлари раҳбарлари ирода кўрсатиб, геосиёсий қарама-қаршиликларга қарамай, глобал хавф қаршисида бирлаша олишлари лозим.

Ўзимга келсак, мен хавф гуруҳига кирганим сабаб, ўзимнинг тарихий ватаним – Тошкент шаҳрида ўз-ўзимни изоляция қилдим», – дейди 66 ёшли Усмонов.

Эслатиб ўтамиз, бир йил олдин интернетда Алишер Усмоновнинг Тошкентдаги уйи суратлари тарқалган эди.

#Алишер Усмонов #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.