Хитойда деярли барча асосий саноат корхоналари ишга тушган

Хитойда коронавирус тарқалиши назорат остига олингани сабабли асосий саноат корхоналарининг 98,6 фоизи нормал ишлаб чиқариш циклини тиклади.

Фото: Reuters

Бу ҳақда журналистларга Хитойнинг саноат ва ахборот технологиялари вазири ўринбосари Син Гобин маълум қилган.

Унинг таъкидлашича, ушбу корхоналарнинг деярли 90 фоиз ходимлари иш жойларига қайтишган. Шу билан бир вақтда кичик ва ўрта бизнес корхоналарининг 76 фоизи фаолияти тикланган, қурилиш объектларида ишлар суръати ошиб бормоқда.

Шу билан бирга Гобиннинг таъкидлашича, пандемия Хитойнинг ташқи савдосига салбий таъсир кўрсатади.

“Инфекциянинг глобал кўламда тарқалиши Хитойнинг ишлаб чиқариш, етказиб бериш занжирларига ва ташқи савдосига муқаррар таъсир кўрсатади”, деб айтган Гобин.

Амалдорнинг айтишича, жорий йил январь-февралида Хитой ташқи савдоси ҳажми 2019 йилнинг шу даврига нисбатан 9,6 фоизга камайган.

Унинг таъкидлашича, коронавирус пандемияси авж олган сари Хитойда импорт ва экспорт билан боғлиқ вазият янада ёмонлашиши мумкин. Шу сабабли вазиятни синчковлик билан кузатиш ва унга тезкорлик билан жавоб беришга тайёр туриш лозим.

Тайёрлаган Шуҳрат Раҳимов

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.