Нидерландияда коронавирус сабабли 400 млн туп гул йўқ қилинди

Мамлакат йилнинг бу даврида Голландиянинг энг оммабоп диққатга сазовор маскани – Лисседаги лолазорларни кўриш учун келадиган туристлардан маҳрум бўлди.

Фото: New York Times

Нидерландиядаги гулчилик компаниялари коронавирус пандемияси шароитида гулга бўлган талаб пасайганлиги сабабли 400 миллион туп гулни йўқ қилишга мажбур бўлди. Бу ҳақда New York Times газетаси хабар берди.

Катта зарар кўраётганлар фақат гул етиштирувчилар ва гул дўконлари эгаларигина эмас. Мамлакат шунингдек, йилнинг бу даврида Голландиянинг энг оммабоп диққатга сазовор маскани – Лисседаги лолазорларни кўриш учун келадиган туристлардан маҳрум бўлди.

Нидерландиядаги "Кёкенхоф" қироллик гуллар боғи бу йил эшикларини очмади, бу 25 миллион доллар зарар дегани.

Охирги маълумотларга кўра, Нидерландияда коронавирусга чалиниш билан боғлиқ ҳолатлар 25,5 мингдан ошган, 2737 киши вафот этган.

Тайёрлаган Дилшод Аскаров

#Нидерландия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.