Германияда коронавирусга қарши вакцина 200 нафар кўнгиллида синаб кўрилмоқда

Клиник тадқиқотларнинг биринчи босқичида 18 ёшдан 55 ёшгача бўлган 200 нафар соғлом инсонларнинг ҳар бири вакцинанинг бир нечта модификациялашган вариантлари билан эмланади.

Фото: REUTERS / Andreas Gebert

Германияда коронавирусга қарши вакцинанинг клиник тадқиқотлари биринчи босқичида 200 нафар соғлом кўнгиллилар иштирок этмоқда. Бу ҳақда Паул Эрлих номидаги вакцина ва биотиббий дорилар институти маълум қилди.

Институт аввалроқ BioNTech биомуҳандислик компанияси томонидан ишлаб чиқилган вакцинанинг клиник тадқиқотлари бошланиши ҳақида хабар берганди.

"Клиник тадқиқотларнинг биринчи босқичида 18 ёшдан 55 ёшгача бўлган 200 нафар соғлом инсонларнинг ҳар бири вакцинанинг бир нечта модификациялашган вариантлари билан эмланади. Бир оз вақтдан сўнг клиник тадқиқотларнинг иккинчи қисми бошланади", - дейилади хабарда.

Аввалроқ Буюк Британия соғлиқни сақлаш вазири Мэтт Хэнкок Оксфордда ишлаб чиқилган коронавирусга қарши вакцина 23 апрелдан одамларда синаб кўрилиши бошланиши ҳақида маълум қилганди.

Тайёрлаган Дилшод Аскаров

#Германия #вакцина #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.