Қўшимча функционаллар
-
Тунги кўриниш
Хитой АҚШ штатининг коронавирус бўйича даъвосини судни мазах қилиш деб атади
ХХР ташқи ишлар вазирлиги вакили Гэн Шуан Хитой раҳбариятининг ҳаракатлари Америка судлари юрисдикцияси остида эмаслигини эслатиб ўтди.
Миссури штатининг Хитойни коронавирус тарқалиши бўйича маълумотларни яширишда айблаб берган даъво аризаси судни мазах қилишдир, деди ХХР ташқи ишлар вазирлиги вакили Гэн Шуан.
Дипломат бу айбловда ҳеч қандай асос йўқлигини айтди. Гэн Шуаннинг таъкидлашича, Хитой ҳукумати эпидемия бошланганидан буён Жаҳон соғлиқни сақлаш ташкилоти, АҚШ ва бошқа давлатларни вазият борасида максимал даражада очиқ тарзда хабардор қилиб келган.
У шунингдек, Хитой раҳбариятининг ҳаракатлари Америка судлари юрисдикцияси остида эмаслигини эслатиб ўтди.
Аввалроқ Миссури штати Хитой ҳукуматини коронавирус пандемияси сабабли судга берганди. Штат бош прокурори Эрик Шмиттнинг фикрича, Пекин COVID-19 борасида дунёни "алдаган" ва эпидемияни дастлабки босқичида тўхтатиш учун жуда оз иш қилган.
Дональд Трамп маъмурияти сўнгги пайтларда Хитойга қарши қаратилган айбловлар оташини янада оловлантириб, Чинни эпидемия сабабчиси сифатида кўрсатишга уринмоқда.
Коронавирус
Мавзуга оид
22:15 / 09.06.2026
Хитойда илк марта одамга чўчқанинг иккита буйраги ва жигари муваффақиятли кўчириб ўтказилди
21:33 / 09.06.2026
Хитойнинг ўнлаб компаниялари Пентагоннинг қора рўйхатига киритилди
20:27 / 09.06.2026
Си Жинпинг Пхенянда: Хитой ва КХДР муносабатларни «янги чўққилар»га олиб чиқмоқда
21:17 / 07.06.2026