Бразилия адлия вазири истеъфога чиқишини маълум қилди

"Пандемия авжига чиққан паллада сиёсий инқироз содир бўлмаслигига урингандим. Нарсаларимни йиғиштириб, истеъфога чиқиш тўғрисидаги аризамни имзолашларини кутаман", - деди у матбуот анжуманида.

У шунингдек, президент унга адлия вазирлигининг кадрлар сиёсатига аралашмасликка ваъда берганини эслаб ўтди.

"Бу истеъфодан афсусдаман, бундай бўлмаслиги учун ҳаракат қилгандим, аммо бу содир бўлди", - деди Мору. 

Федерал полициянинг собиқ раҳбарини полиция ва терговчилар профессионал ассоциацияси ҳам ҳимоя қилиб чиқди. Болсонару ўтган йилнинг августида ҳам федерал полиция раҳбарини бўшатишга уринган, аммо Мору бунга йўл қўймаганди.

Апрель ўрталарида Жаир Болсонару соғлиқни сақлаш вазири Луис Мандеттани мамлакатда коронавирусга қарши кураш борасидаги ёндашувлари турлича бўлгани учун истеъфога чиқарганди.