Тошкентда Mercedes-Benz ва тиббий ёрдам машинаси тўқнашди

Telegram мессенжерида Тошкент шаҳрининг Учтепа туманида рўй берган ЙТҲ ҳақида хабар тарқалди. Тошкент шаҳар ИИББ ушбу ҳолат юзасидан расмий маълумот берди.

Қайд этилишича, 2020 йил 25 апрел куни тахминан соат 16:00 да Кичик ҳалқа автомобиль йўли ва Фозилтепа кўчалари кесишмасида, болалар шифохонаси ҳузуридаги диагностик поликлиникага бириктирилган, 63 ёшли А.М. бошқарувидаги Damas ва 26 ёшли Б.У. бошқарувидаги Mercedes-Benz E 350 русумли автомобиль тўқнашуви рўй берган.

ЙТҲ оқибатида Damas автомобили ҳайдовчиси тан шикастлари билан шифохонага етказилган. 

Билдирилишича, йўл-транспорт ҳодисаси сабаблари аниқланмоқда.