Қўшимча функционаллар
-
Тунги кўриниш
Трамп АҚШнинг янги гипертовушли ракетаси ҳақида маълумот берди
Пентагон аввалроқ АҚШ гипертовушли қурол яратиш борасида Россия ва Хитойдан ортда қолаётганини билдирганди.
Фото: AP
АҚШ президенти Дональд Трамп АҚШнинг янги гипертовушли ракеталари диаметри 70 сантиметрли нишонни 1600 километр масофадан уриши мумкинлигини айтди.
"Биз юзлаб янги кемалар, бомбардимончилар, реактив қирувчилар ва вертолётлар, янги танклар, ҳарбий сунъий йўлдошлар, реактив ракеталар, ҳатто дунёдаги энг тезучар ракетадан 17 баравар тез ҳаракатланувчи ва нишонни марказий нуқтадан 14 дюйм атрофида (35 сантиметр) 1000 миль (1600 километр) масофадан урувчи гипертовушли ракетани қурмоқдамиз", - деди Трамп Вест Пойнт ҳарбий академияси битирувчилари олдида қилган чиқиши чоғида.
АҚШ президенти бу ракета қачон тайёр бўлишига аниқлик киритмади.
Пентагон аввалроқ АҚШ гипертовушли қурол яратиш борасида Россия ва Хитойдан ортда қолаётганини билдирганди.
Маълумот учун, Lockheed Martin корпорацияси АҚШ ҳарбий-ҳаво кучлари учун янги ARRW ракетасини ишлаб чиқиш мақсадига 988,8 миллион доллар олган бўлиб, ракетани ишлаб чиқиш Орландо шаҳрида бошланади ва 2022 йил 31 декабрда ниҳоясига етиши лозим.
Мавзуга оид
23:31 / 06.03.2026
АҚШ ва Исроил Эронни йиқита оладими? Уруш стратегияси қай томон ўзгарди?
22:06 / 06.03.2026
Россия Эронга АҚШнинг Яқин Шарқдаги ҳарбий объектлари тўғрисидаги маълумотларни бермоқда – ОАВ
20:55 / 06.03.2026
АҚШ кучлари Эрондаги ҳарбий базага зарба берган вақтда мактаб ҳам нишонга олинган – New York Times
19:30 / 06.03.2026