Россия Чехиянинг икки дипломатини чиқариб юборади

5 июнь куни Чехияда Россиянинг икки дипломати персона нон-грата деб эълон қилинган ва мамлакатдан чиқариб юборилганди.

Фото: AFP/Scanpix

Россия Чехиянинг икки дипломатини чиқариб юборади. Бу ҳақда Чехиянинг Россиядаги элчиси Витезслав Пивонька маълум қилди.

Унинг сўзларига кўра, Москва бу россиялик дипломатларнинг Чехиядан чиқариб юборилганига жавоб чораси бўлишини эълон қилган. Элчининг қўшимча қилишича, Москва ва Прага ўзаро муносабатлар бўйича консультациялар ўтказиши мумкин.

5 июнь куни Чехияда Россиянинг икки дипломати персона нон-грата деб эълон қилинган ва мамлакатдан чиқариб юборилганди. Улар чех сиёсатчиларига нисбатан суиқасд тайёрланаётганлиги ҳақида ёлғон ахборот тарқатганликда айбланганди.

22 апрелда Чехиянинг Respekt ҳафтаномаси ёнида рицин заҳари бўлган Россия фуқароси дипломатик паспорт билан Чехияга келганлигини ёзганди.