Huawei Буюк Британияда илмий-тадқиқот маркази қуради

Компания лойиҳанинг биринчи босқичига 1 миллиард фунт стерлинг (1,24 миллиард доллар) инвестиция киритади.

Хитойнинг Huawei компанияси Британиянинг Кембриж шаҳрида илмий-тадқиқот маркази қуришга рухсат олганини хабар қилди.

Хабарда айтилишича, компания лойиҳанинг биринчи босқичига 1 миллиард фунт стерлинг (1,24 миллиард доллар) инвестиция киритади.

Huawei Кембриждаги 500 акр (200 гектарга яқин) ерни 2018 йилда олганини ва 25 июнь куни маҳаллий кенгаш лойиҳани амалга оширишга рухсат берганини маълум қилди.

Илмий-тадқиқот маркази электрон-оптик қурилмаларни тадқиқ қилиш, ишлаб чиқиш ва ишлаб чиқариш билан шуғулланади.

Ушбу мажмуа тўлиқ ишга тушганидан сўнг Huawei компаниясининг оптик электроника соҳасидаги халқаро штаб-квартирасига айланади.