Франция бош вазири истеъфога чиқди

Эдуар Филипп 2017 йил 15 майдан буён бош вазир лавозимида фаолият кўрсатиб келаётганди.

Фото: Reuters

Франция ҳукумати раҳбари Эдуар Филипп истеъфога чиқди. Бу ҳақда Елисей саройи матбуот хизмати хабар берди.

"Эдуар Филипп республика президентига истеъфога чиқиш тўғрисида ариза тақдим этди. Ариза қабул қилинди. Янги ҳукумат тайинлангунига қадар ҳукуматнинг барча аъзолари ўз ишларини давом эттиради", - дейилади Франция президенти Эммануэл Макроннинг девонхонаси хабарида.

Қайд этилишича, янги ҳукумат таркиби келгуси ҳафтада маълум бўлади.

Эдуар Филипп 2017 йил 15 майдан буён бош вазир лавозимида фаолият кўрсатиб келаётганди. Бунга қадар у Гавр шаҳри мэри бўлган.