Учтепа туманида 2 ёшли бола ЙТҲ оқибатида вафот этди

Жиноят кодексининг 266-моддаси 2-қисми бўйича жиноий иш қўзғатилди.

Жорий йилнинг 2 июль куни соат 12:00да Тошкент шаҳар Учтепа тумани Хондамир кўчасида «Спарк» русумли автомобиль ҳайдовчиси 38 ёшли З.Н. пиёдани уриб юборган.

Тошкент шаҳар ИИББ хабарига кўра, ЙТҲ натижасида 2 ёшли С.Х. тан шикастлари олиб, оқибатда шифохонада ҳаётдан кўз юмди.

ЙТҲнинг тахминий сабаби: ҳайдовчи тўсатдан йўлга чиқиб олган болани кўрмай қолган. Бола қаровсиз қолдирилган, ЙТҲ жойи – маҳалланинг ичи, дейилади хабарда.

Мазкур факт асосида Ўзбекистон Республикаси Жиноят кодексининг 266-моддаси 2-қисми («Транспорт воситалари ҳаракати ёки улардан фойдаланиш хавфсизлиги қоидаларини бузиш») бўйича жиноий иш қўзғатилди.

“Ҳурматли ота-оналар! Фарзандларингизни қаровсиз қолдирманг.

Ҳурматли ҳайдовчилар! Кварталлар ичидан ҳаракатланаётганда эҳтиёт бўлинг. Йўлингизга тўсатдан бола югуриб чиқиши мумкин”, - дейилади ИИББ маълумотида.

Тайёрлаган: Отабек Матназаров

#ЙТҲ #Учтепа