Трамп: АҚШда коронавирус қурбонлари сони пасаймоқда

АҚШ президенти Доналд Трампга кўра, мамлакатда янги намунадаги коронавирус қурбонлари сони пасаймоқда. Айни чоғда, вирусни юқтириш ҳолати ортиб бормоқда, дейилади Жонс Ҳопкинс университети маълумотларида. Бугунги кунда, мамлакатда 2,85 млн.дан ортиқ кишида вирус аниқланган.

Фото: Getty Images

Америка Қўшма Штатлари президенти Дональд Трампнинг Twitter саҳифасида ёзишича, мамлакат ҳудудида вирусни юқтирганлар сони ўсаётганига қарамай, янги коронавирусдан ўлим ҳолатлари пасайиши кузатилмоқда.

“Хитой вируси билан зарарланиш сони оммавий текширувлар боис ортиб боряпти. Ўлимлар камроқ рўй беряпти. Унинг кўрсаткичи паст ва барқарор. Сохта хабарлар тарқатувчи ОАВ бу ҳақда хабар қилишлари керак, шунингдек, янги иш ўринлари рекорд ўрнатаётганини ҳам”, - деб ёзган Оқ уй раҳбари.

Шу бугунги кунгача, Жонс Ҳопкинс университети маълумотларига кўра, АҚШда янги коронавирусдан 129,7 минг киши ҳаётдан кўз юмди.

Тайёрлаган: Толиб Раҳматов

#АҚШ #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.