Париж марафони коронавирус билан боғлиқ вазият туфайли 15 ноябрга кўчирилди, дейилади мусобақа сайтида.
Фото: AFP
Даставвал, 5 апрелда ўтказилиши режалаштирилган мусобақа 18 октябрга кўчирилиши маълум қилинган эди.
“Марафонни энг яхши шароитларда ташкил этиш учун Париж шаҳри ҳокимияти билан маслаҳатлашгач, старт санасини янада кечроқ муддатга ўзгартиришга қарор қилдик, - дейилади ташкилотчилар баёнотида. – Биз вазиятни кузатиб борамиз ва қалин ҳамкорлик қиладиган соғлиқни сақлаш идоралари ва давлат хизматларининг кўрсатмаларига қатъий амал қиламиз”.
Бундан аввал, коронавирус пандемияси туфайли Рим, Бостон, Дублин, Берлин ва Нью-Йорк марафонлари бекор қилинган эди.
