Тўқаев Қозоғистон ҳукуматини истеъфога чиқариш билан таҳдид қилди

Қозоғистон президенти мамлакатда коронавирус билан боғлиқ вазият икки ҳафта ичида яхшиланишига умид билдирди.

Агарда амалдаги икки ҳафталик карантин Қозоғистондаги коронавирус билан боғлиқ вазиятни яхшиламаса, ҳукумат истеъфога чиқарилиши мумкин. Бу ҳақда мамлакат президенти Қосим-Жўмарт Тўқаев вазирлар маҳкамасининг кенгайтирилган йиғилишида айтди, деб хабар бермоқда Vlast.kz.

«Икки ҳафтадан сўнг вазият яхшиланади деб умид қиламан. Агар бундай бўлмаса, ҳозирги таркибдаги ҳукумат фаолияти савол остида қолади», - деди Тўқаев.

Қозоғистонда икки ҳафталик карантин 19 июлда ниҳоясига етади.

Аввалроқ Тўқаев мамлакатдаги вазият қалтис эканлигини айтиб, амалдорларни таътил ва дам олишни унутишга чақирганди.