Санитария-эпидемиология назорати давлат инспекцияси бошлиғи Нурмат Отабековнинг айтишича, тадбиркорлик субъектлари фаолиятини текширувчи ваколатли идоралар томонидан сомсахоналарда комбинезон кийиб ишлашни талаб қилиш асоссиз.
Фото: Sputnik
«Сомсахоналарда комбинезон кийиб ишлаш шарт эмас. Комбинезон тез аланга олиши мумкин бўлган материаллардан тикилади. Шундай экан, сомсахоналарда комбинезон кийиб ишлашни талаб қилиш асоссиз.
Текширувчилардан ушбу талаб қайд этилган ҳужжатни кўрсатишни талаб қилинг. Бу сизнинг ҳуқуқингиз ҳисобланади», дея Нурмат Отабековнинг сўзларини келтирмоқда Kun.uz мухбири.
