ЖССТ эпидемиологи давлатларни карантин жорий қилмасликка чақирди

ЖССТ яна ҳаммага ниқоб кийиб юришни маслаҳат берди.

Фото: ЖССТ

Ташкилотнинг бош эпидемиологи Марии Ван Керкхове COVID-19’нинг иккинчи ва кейинги барча тўлқинлари пайтида карантинга йўл қўйиб бўлмаслигини маълум қилди.

Жаҳон соғлиқни сақлаш ташкилоти (ЖССТ) кенг жамоатчиликни коронавирус пандемияси туфайли энди карантин жорий қилмасликка чақирди. Бироқ, ташкилот илгари чеклов чораларини сўзсиз бажаришни талаб қилганди.

Пандемия бошланишида ЖССТ дунёнинг деярли барча мамлакатларига коронавирус тарқалишини камайтирувчи қаттиқ карантин жорий этишни тавсия қилди. Энди ташкилот бош эпидемиологи Мария Ван Керкховенинг фикрича, COVID-19’нинг иккинчи ва ундан кейинги тўлқинларида карантинга йўл қўйиш керак эмас.

Унинг иқтисодий оқибатлари тиббий жиҳатдан келиши мумкин бўлган эҳтимолий ҳолатдан анча юқори туради. Ниқобларни тақиш ва ижтимоий масофани сақлаш етарли чоралар бўлади.

Мутахассислар, шунингдек, карантин пайтида мактабларнинг ёпилишини «авлод ҳалокати» деб ҳисоблайди. Улар ушбу чекловлар туфайли саратон, инфаркт ва инсультга чалинган беморларнинг аҳволи кескин ёмонлашганини таъкидлашди. Карантин юзлаб жиддий касалликларни, депрессия, стресс, ишсизлик ва ижтимоий низоларни келтириб чиқариши мумкин.

Тайёрлаган Отабек Матназаров

#ЖССТ #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.