Бош вазирнинг собиқ маслаҳатчиси янги лавозимга тайинланди

Комил Рашидов Ташқи ишлар вазирлиги Шартнома-ҳуқуқ бошқармаси бошлиғи этиб тайинланди. Бу ҳақда ТИВ хабар берди.

У бунга қадар бош вазирнинг маслаҳатчиси – Хорижда вақтинчалик меҳнат фаолиятини амалга ошираётган Ўзбекистон Республикаси фуқаролари ҳуқуқларини ҳимоя қилиш ва қўллаб-қувватлаш масалалари департаменти мудири лавозимида ишлаган.

Шунингдек, Комил Рашидов бундан олдин Ўзбекистоннинг Қирғизистондаги элчиси сифатида ишлаб келган.

Аввалроқ, Ўзбекистон бош вазирига янги маслаҳатчи тайинлангани хабар берилганди.

Ўзбекистон Республикаси элчихонасининг Москва шаҳридаги бош консули лавозимида ишлаб келаётган Меҳриддин Хайриддинов Ўзбекистон бош вазирига маслаҳатчи бўлди.