АҚШдаги ёнғинлар: Орегон штатида ярим миллион киши эвакуация қилинди

АҚШнинг ғарбида жойлашган Орегон штатида камида 500 минг киши табиий ёнғинлар сабабли эвакуация қилинди. Ҳозирда ёнғинлар майдони 360 минг гектардан кўпроқни ташкил қилмоқда. Табиий офат 3 кишининг ўлимига олиб келган. 

Орегон аҳолиси 4,2 млн кишини ташкил қилади. Маҳаллий ҳукумат штатнинг 10 фоиздан кўпроқ аҳолисига хавфсиз жойга кўчиб ўтишни тавсия қилган.  

АҚШнинг идоралараро миллий ўт ўчириш маркази маълумотларига кўра, Орегон, Калифорния ва Вашингтон штатларида 100 дан кўпроқ табиий ёнғин авж олган. Уларнинг умумий майдони 1,7 млн гектардан ошиб кетди.

Аввалроқ Орегон осмони ёнғинлар туфайли қизғиш тус олгани маълум қилинганди.