Президент Шуҳрат Ғаниевни бош вазир ўринбосари лавозимига тасдиқлади

Фарғона вилоятининг собиқ ҳокими Шуҳрат Ғаниев расман бош вазир ўринбосарига айланди.

Президент фармони билан Шуҳрат Мадаминович Ғаниев бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимига тасдиқланди.

Шуҳрат Ғаниев 2011-2012 йилларда Фарғона вилояти ҳокими вазифасини бажарувчи бўлган, 2012 йилдан буён Фарғона вилояти ҳокими сифатида ишлаган.

У энди 2020 йил февралидан буён бош вазир ўринбосари лавозимида ишлаб, сентябрь ойида коронавирус оқибатида вафот этган Ўктам Барноев ўрнини эгаллади.

25 сентябрь куни Қонунчилик палатаси депутатлари Бош вазирнинг аграр ва озиқ-овқат соҳаларини ривожлантириш масалалари бўйича ўринбосари лавозимига Шуҳрат Ғаниев номзодини маъқуллаганди.

#тайинлов #Шуҳрат Ғаниев