Фото: KUN.UZ
Telegram мессенжерида каналларда постларга изоҳ ёзиш функцияси пайдо бўлди. Бу ҳақда мессенжер асосчиси Павел Дуров маълум қилди.
“Бугун биз каналларда изоҳ бериш функциясини ишга туширмоқдамиз. Telegram янгилангандан кейин сиз баъзи каналларда изоҳлар қолдира оласиз”, – дейилган хабарда.
Дуровнинг таъкидлашича, изоҳлар гуруҳли чатга ўхшаш бўлади, яъни изоҳлар муайян каналга бириктирилади. Унинг айтишича, фойдаланувчилар каналлар маъмурлари рухсат берса, аудиохабарлар, стикерлар ёки GIF суратлар кўринишида изоҳлар қолдиришлари мумкин бўлади.
