Telegram мессенжерининг расмий сайтида ўзбек тили пайдо бўлди

Telegram мессенжерининг расмий сайти telegram.org’да ўзбек тилини қўллаш имконияти пайдо бўлди.

Фото: РБК

Ҳозирча сайтнинг бош саҳифасинигина ўзбек тилида кўриш мумкин. Бунинг учун саҳифанинг юқори ўнг бурчагида жойлашган тилларни ўзгартириш менюсида UZ’ни танлаш керак. Шундан кейин саҳифадаги маълумотлар ўзбекчада тақдим этилади.

Бундан ташқари, сайтнинг ўзбекча версиясига браузернинг адреслар қаторида telegram.org/?setln=uz ёзувини киритиш билан ҳам ўтиш мумкин.

Апрелдан мессенжернинг ўзида ўзбек тилига ўтиш имкони пайдо бўлганди.