Тошкент шаҳар Юнусобод туманида жиддий йўл-транспорт ҳодисаси рўй берди. Бу ҳақда пойтахт ИИББ хабар қилмоқда.
2020 йил 5 ноябрь куни соат 21:00да Боғишамол ва Чингиз Айтматов кўчалари кесишмасида Nexia-3 русумли автомобилни тегишли ҳужжатларсиз бошқариб борган 16 ёшли А.Б. 20 ёшли А.А. ишончнома асосида бошқариб борган Spark русумли автомобилга тўқнашган.
ИИББ маълумотига кўра, ЙТҲнинг тахминий сабаби - Nexia-3 автомобили ҳайдовчиси светофорнинг тақиқловчи белгисига риоя қилмаган.
Nexia-3 автомобили ҳайдовчиси ЙТҲ оқибатида олган жароҳатлари туфайли воқеа жойида ҳаётдан кўз юмган.
ЙТҲ тафсилотларини ўрганиш ишлари давом этади, дейилади хабарда.