Россияда коронавирус юқтирганлар сони 3 миллиондан ошди

Россияда учинчи кундирки суткасига 29 мингдан ортиқ касалланиш ҳолатлари қайд этилмоқда. Ўлим ҳолатлари эса 5 кундан буён 500дан кўп бўлмоқда.

Фото: EPA/Vostock-photo

Россияда коронавирус юқтириш билан боғлиқ ҳолатлар сони 3 млн 21 мингдан ошди. Бу ҳақда Москвадаги коронавирусга қарши кураш бўйича тезкор штаб маълум қилди.

Маълумот берилишича, охирги суткада мамлакат бўйича 29 258та янги ҳолат аниқланган, 567та ўлим қайд этилган.

Worldometers сайтининг маълумотига кўра, дунё бўйича касалланганлар сони 80 млн 300 мингга яқинлашган, 1 млн 759 минг киши вафот этган.

Тайёрлаган Дилшод Аскаров

#Россия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.