Россияда коронавирус юқтирганлар сони 3,7 миллиондан ошди

Москвада сутка давомида 3069та янги ҳолат аниқланган.

Фото: РИА Новости

Охирги суткада Россияда коронавирус юқтириш билан боғлиқ 21127та янги ҳолат аниқланди, деб хабар берди мамлакат тезкор штаби. Жами касаллик юқтирганлар сони 3 млн 719 минг 400 нафарга етди.

Маълумот берилишича, бир кун ичида 491 киши коронавирусдан вафот этган. Эпидемия бошланганидан буён вафот этганлар сони 69462 нафарни ташкил этмоқда.

Москвада сутка давомида 3069та янги ҳолат аниқланган. Шаҳар бўйича касаллик юқтирганлар сони 913 минг 126 нафар ва вафот этганлар 12 минг 969 нафар.

Санкт-Петербургда 2929та янги ҳолат қайд этилди. Шаҳарда касаллик юқтириш ҳолатлари тўртинчи кундирки камаймоқда.

Тайёрлаган Дилшод Аскаров

#Россия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.