Азизбек Саидалиев “Фарғона ҳудудий электр тармоқлари корхонаси” АЖнинг бош директори вазифасини бажарувчиси этиб тайинланди. Бу ҳақда "Фарғона ҲЭТК" АЖ матбуот хизмати хабар бермоқда.
А. Саидалиев 1985 йил Фарғона шаҳрида туғилган. 2003 йили Фарғона политехника институтини тамомлаган. У меҳнат фаолиятини дастлаб Фарғона шаҳар электр таъминоти корхонасида бошлаб, 2017 йилга қадар "Фарғона ҳудудий электр тармоқлари корхонаси" АЖда турли лавозимларда меҳнат қилган.
Бунга қадар А. Саидалиев “Фарғона ҲЭТК” АЖнинг иқтисод ва молия масалалари бўйича директори лавозимида ишлаб келган.
Аввал хабар берилганидек, “Фарғона ҲЭТК” АЖнинг бош директори лавозимида ишлаб келган Дилшод Жалилов Ёзёвон туман ҳокими этиб тайинланган эди.
