Тошкентда Mercedes-Benz иштирокидаги ЙТҲда бир киши вафот этди

Бугун, 5 март куни тахминан соат 09:30да Яккасарой тумани Боғишамол кўчасида йўл-транспорт ҳодисаси юз берди. Бу ҳақда Тошкент шаҳар ИИББ хабар қилмоқда.

Қайд этилишича, 22 ёшли Д.Р. “Mercedes-Benz” русумли автомобилни бошқариш давомида пиёдалар, 41 ёшли Г.Д. ва 58 ёшли Х.М.ни уриб юбориб, сўнг 33 ёшли И.К. бошқарувидаги “Cobalt” автомобилига тўқнашган. ЙТҲ сабаблари аниқланаётгани айтилган.

ЙТҲ оқибатида 41 ёшли Г.Д.га бадан шикастлари етган. 58 ёшли Х.М. олган жароҳатлари туфайли воқеа жойида ҳаётдан кўз юмган.

Мазкур ҳолат юзасидан Жиноят кодексининг 266-моддаси 2-қисми бўйича жиноий иш қўзғатилди.