Байден Эронга қарши санкцияларни бир йилга узайтирди

Жо Байден Билл Клинтон маъмурияти даврида Эронга нисбатан эълон қилинган "фавқулодда ҳолат" режими бир йилга узайтирилгани тўғрисида конгрессга билдиришнома жўнатган.

Фото: AP Photo/Patrick Semansky

АҚШ президенти Жо Байден Эронга қарши 1995 йилда киритилган санкцияларнинг амал қилиш муддатини яна бир йилга узайтирди.

Байден Билл Клинтон маъмурияти даврида Эронга нисбатан эълон қилинган "фавқулодда ҳолат" режими бир йилга узайтирилгани тўғрисида конгрессга билдиришнома жўнатган.

"Эрон ҳукуматининг ҳаракатлари ва сиёсати миллий хавфсизлик, халқаро сиёсат ва АҚШ иқтисодиётига алоҳида хатар солишда давом этмоқда", - дейилади АҚШ президентининг конгресс раҳбариятига юборган билдиришномасида.

1995 йил 15 мартда АҚШ президенти Билл Клинтон Американинг Conoco компанияси ва Эрон миллий нефть компанияси ўртасидаги келишувни блоклаган, 8 майда эса АҚШ фирмаларига Эрон нефть ва газ конларида иш олиб боришни тақиқловчи фармонни имзолаганди.

Тайёрлаган: Дилшод Аскаров

#АҚШ #Эрон