Қорақалпоғистонда 5 киши ис газидан заҳарланиб вафот этди

Тўрткўл тумани “Янгиобод” МФЙда яшовчи фуқаро И.У. (эркак) ва унинг қизлари Р.С. (2003 й.т.), Р.А. (2010 й.т.) ва ўғли Р.М. (2005 й.т.) ҳамда ушбу хонадонга меҳмонга келган А.Ш. хонадонда ўрнатилган иситиш печидан сизиб чиққан ис газидан заҳарланиб, вафот этди.

Қорақалпоғистон Республикаси прокуратурасидан маълум қилишларича, фожиа ҳақида Тўрткўл тумани ИИБга 6 март куни соат 11:30ларда хабар келиб тушган.

Тўрткўл туман прокуратураси ҳолат юзасидан Жиноят кодексининг 259-моддаси 2-қисми “а, б” бандлари билан жиноят иши қўзғатди. Дастлабки терговни туман ИИБ ўтказмоқда. Терговни Қорақалпоғистон прокуратураси назоратга олган.

Февраль ойи охирида Хоразмда бир оила ис газидан заҳарланиб, уч киши вафот этганди.