Қўшимча функционаллар
-
Тунги кўриниш
Данияда ҳам AstraZeneca вакцинаси билан эмлаш вақтинча тўхтатилди
Ушбу вакцина билан эмланганларда қон қуюқлашиши юз бергани тўғрисидаги хабарлардан сўнг мазкур қарор қабул қилинган.
Фото: imago
Данияда AstraZeneca ва Оксфорд университети ҳамкорлигида ишлаб чиқилган вакцина билан эмлаш вақтинча тўхтатилди. Бу ҳақда Дания соғлиқни сақлаш ва дорилар бўйича бошқармаси баёнотида маълум қилинди.
Ушбу вакцина билан эмланганларда қон қуюқлашиши юз бергани тўғрисидаги хабарлардан сўнг мазкур қарор қабул қилинган. Ана шундай хабарлардан бирида эмланган фуқаро вафот этгани айтилган.
Ҳозирча вакцина ва қон қуюқлашиши ҳолатлари орасида боғлиқлик бор-йўқлиги аниқ эмас. Эмлаш 14 кунга тўхтатилган бўлиб, шундан сўнг вазият яна ўрганилади.
Бошқарма баёнотида қон қуюқлашиши билан боғлиқ ҳолатлар неча марта ва қаерда юз берганлиги айтилмаган.
Ўтган ҳафтада Австрияда бир киши вафот этиб, иккинчиси оғир аҳволга тушганидан сўнг AstraZeneca вакцинаси билан эмлаш тўхтатилганди. Хабар қилинишича, 49 ёшли аёл вафот этган, яна бир аёлда ўпка артериясининг тромбоэмболияси юз берган. Тромбоэмболия – ўпка касаллиги бўлиб, асосий артерияни тўсиб қўювчи қон қуюқлашишини келтириб чиқаради, дея аниқлик киритган Reuters.
Коронавирус
Мавзуга оид
21:26 / 14.02.2026
Дания бош вазири Гренландиянинг нархини айтишдан бош тортди
13:28 / 10.02.2026
ССВ «коронавирусга қарши вакцина олганлар ҳаёти хавф остидалиги» ҳақидаги хабарга муносабат билдирди
17:08 / 02.02.2026
Гренландиянинг туб аҳолиси кимлар ва у қандай қилиб Данияга тегишли бўлиб қолган? АҚШ нега бу оролга қизиқмоқда?
23:53 / 31.01.2026