Ижтимоий тармоқларда кўплаб шов-шувларга сабаб бўлган тренд асар «Қўрқма» китобининг муаллифи Жавлон Жовлиев билан суҳбатлашдик.
Ушбу китоб бундан бир аср аввал илм олиш истагида дадил қадам ташлаган ва Германияда таҳсил олиш учун отланган 70 нафар зиёли ёшнинг аянчли тақдири ҳамда шонли хотирасига бағишланган.
«Инсон аввало ўзлигидан қўрқмаслиги керак, инсон ичида бир иллат бор, мен қилолмайман, бажаролмайман, уддалолмайман деган. Аслида, энг катта қўрқув ўз ичимизда, сабабчи ўзимиз. Асар ғояси ҳам шундан иборатки, орзуларимиз ва катта мақсадлар сари қўрқмай, дадил қадам ташлай олишимиз керак, бугунги ёшларни шунга ундаш мақсадида дунёга келди бу асар», — дейди муаллиф.
Ўзбек аёли фақат сериал кўриб, йиғлаш учун яралмаган, улар энг катта потенциал куч, илк мактаб, илк мадраса, илк олийгоҳ, илк академия, дея таъкидлайди у.
