«Ота касбининг даромади баракали бўлади» — Чустлик ҳунарманд

Чустлик Бобуржон 29 ёшда, у тунука маҳсулотларини ясайди. Унга бу ҳунар ота касб ҳисобланади. 

Бобуржон тунукасозларнинг 5-авлоди. У 150 дан ортиқ тунука маҳсулотларини ясайди.

«Устахонага келганимда кичкина бола эдим. Шу, ёшлигимдан дадамдан кўриб, ўрганиб уста бўлдим. Қўл меҳнатининг, айниқса, ота касбининг даромади баракали бўлади. Шу ҳунар ортидан оила боқяпман, рўзғор тебратяпман»,— дейди қаҳрамонимиз.

Бобуржон ясаган маҳсулотлар Россияга экспорт қилинади. У Россия билан 1 йиллик шартнома қилган. Бир ойда ўртача 400—500 тача тунука маҳсулотларини етказиб беради.