«Икки ой давомида 30 тоннагача гўшт оламиз» — наманганлик тадбиркор

Янгиқўрғонлик Ҳаётбек Муродуллаев паррандачилик билан шуғулланади. У икки йилдан бери товуқнинг бройлер зотини парваришлайди.

Тадбиркорнинг сўзларига кўра, паррандалар 4 хил босқичда озиқлантирилади. Бирламчи ейдиган еми «старт» дейилади, жўжани ривожлантириб етилтиради. Иккинчиси «рост», фақат ўстиради. Охирги босқичи «финиш», бу гўшт учун етилтиради. Товуқлар шу тариқа 2 ой давомида гўштга тайёр бўлади.

«Бройлернинг 3/8 маркасини боқамиз. Бир ойда 20 мингдан ортиқ товуқ парваришлаймиз. Битта жўжа 2 ой давомида етилгунича 4-5 килогача озуқа ейди. Битта товуқ эса ўртача 2-2.5 килогача гўшт беради. Икки ой давомида 30 тоннагача гўшт оламиз», — дейди Ҳаётбек.