Наманганда самолёт носозлиги сабаб чартер рейс парвози тўхтатилди

Наманган халқаро аэропортидан Москвага парвозни амалга ошириши режалаштирилган самолёт двигателидаги носозлик сабаб парвоз тўхтатилган.

Жорий йилнинг 3 май куни соат 19:50 ларда «REDWINGS» авиакомпанияси томонидан «Наманган-Москва» йўналишида чартер авиарейсини амалга ошириш режалаштирган эди. Аммо ҳаво кемасининг техник носозлиги туфайли ушбу парвоз вақтинча қолдирилди. 

«Йўловчиларнинг бир қисми Наманган шаҳридаги меҳмонхоналардан бирига жойлаштирилган ва керакли шарт-шароитлар яратиб берилди», дея хабар бермоқда аэропорт матбуот хизмати. 

Меҳмонхона харажатлари авиакомпания томонидан қопланган. 

Аэропорт матбуот хизматининг қўшимча қилишича, ҳозирда аэропорт ва авиакомпания ҳамкорлигида муаммо тезкорлик билан бартараф этиш чора-тадбирлари кўрилган.

Қолдирилган авиарейс бугун, 4 май куни амалга ошириш режалаштирилмоқда.