Қашқадарёда ҳарбий хизматчиларга замонавий махсус техникалар топширилди

Қашқадарёда ҳарбий хизматчиларга замонавий махсус техникалар топширилган. Тадбирда коронавирусдан соғайиб ишга қайтган Зойир Мирзаев ҳам иштирок этган. Бу ҳақда вилоят ҳокимлиги ахборот хизмати хабар бермоқда.

Маълум қилинишича, кеча, 7 май куни Қарши шаҳрида 9 май — Хотира ва қадрлаш куни муносабати билан байрам тадбири ва ҳарбий қисмларга замонавий техникаларни топшириш маросими бўлиб ўтган.

Қайд этилишича, ҳарбийларга 116 дона Камаз 4326 ва Камаз 43118 русумли замонавий, нотекис йўллардан юра оладиган ҳарбий автомобил техникалари топширилган.

Ушбу тадбирда коронавирусдан соғайиб ишга қайтган вилоят ҳокими Зойир Мирзаев ҳам иштирок этган.