12:10 / 07.05.2021
7952
Зойир Мирзаев коронавирусдан тузалди

Қашқадарё вилояти ҳокими Зойир Мирзаев коронавирусдан тузалган. Бу ҳақда вилоят ҳокимлиги ахборот хизмати хабар бермоқда.

Аввалроқ Қашқадарё вилояти ҳокими Зойир Мирзаев коронавирус инфекциясини юқтириб, Тошкентда даволанаётган эди. Маълум бўлишича, у соғайиб Қаршига қайтган.

Қайд этилишича, Зойир Мирзаевнинг аҳволи анча яхши. Вилоят ҳокимлиги ахборот хизмати раҳбари Аҳрор Содиқовнинг хабар беришича, бугун у 9 май — Хотира ва қадрлаш куни муносабати билан ўтказиладиган тадбирларда қатнашади ва Қарши шаҳрида амалга оширилаётган ободонлаштириш ишлари билан танишади.

 

 

Top