«Ўзбекинвест» 2020 йил Бренди деб танланди

«Ўзбекинвест» суғурта компанияси Ўзбекистон суғурта компаниялари орасида 2020 йил Бренди номинациясида ғолиб деб танланди, ҳамда «Суғурта бозори етакчиси» махсус мукофотига сазовор бўлди.

Жорий йилнинг 16 апрелдан 14 майига қадар мамлакатимиз аҳолиси Ўзбекистон Маркетинг Ассоциацияси (ЎзМА) томонидан уюштирилган танловда 24 соҳада фаолият юритаётган компаниялар орасидан 2020 йилнинг Брендини танлашди. Бу йил истеъмолчилар танлов тарихида биринчи марта суғурта хизматлари, сервиси ва маркетинг фаолияти билан ажралган энг яхши суғурта компанияси учун овоз бериш имкониятига эга бўлишди.

Танлов якунларига кўра, овоз берувчиларнинг аксарияти суғурта компаниялари орасидан «Ўзбекинвест»ни «Йил Бренди» деб танладилар. Бу мукофот ўз навбатида компаниянинг Ўзбекистон суғурта бозорининг нафақат молиявий натижалар бўйича, балки аҳоли орасида машҳурлик ва кўрсатилаётган суғурта хизматлари сифати бўйича ҳам етакчиси эканлигини исботлади.

Шу билан бирга, республика маркетинг ва суғурта соҳасини ривожлантиришга, шунингдек, Ўзбекистон маркетинг ассоциацияси билан узоқ муддатли ҳамкорликка қўшган катта ҳиссаси учун «Ўзбекинвест» компанияси «2020 йил Ўзбекистон суғурта бозорининг етакчиси» мукофотига сазовор бўлди.

«Ўзбекинвест» жамоаси барча мижозлари ва ҳамкорларига «Йил Бренди» танловида билдирилган ишонч ва қўллаб-қувватлаш учун миннатдорчилик билдиради.

Сайт: insurance.uz

«Ўзбекинвест» ижтимоий тармоқларда:

Facebook: fb.com/Uzbekinvest

Instagram: @uzbekinvest

Telegram: t.me/uzbekinvestnic

Youtube: O‘zbekinvest

Реклама ҳуқуқи асосида