Қўшимча функционаллар
-
Тунги кўриниш
АҚШ Ҳаитига катта делегация юборади
АҚШ давлат департаменти Ҳаитида президент Жовенел Моиз ўлдирилгандан кейин юзага келган сиёсий инқирозни ҳал этиш учун у ерга катта делегация юборишга қарор қилди.
Juno7 нашрининг хабар беришича, делегацияга АҚШ президентининг махсус ёрдамчиси Хуан Гонсалес ва АҚШ давлат котибининг Ғарбий яримшар ишлари бўйича ёрдамчиси ўринбосари Лаура Лохман киритилган.
Америкалик дипломатлар Ҳаити бош вазири вазифасини бажариб келаётган Клод Жозеф ва сенат томонидан вақтинча президент этиб эълон қилинган Жозеф Ламбер билан учрашади. Делегациянинг қолган аъзолари ҳақида ҳозирча маълумот йўқ.
Айни вақтда Ҳаитида уч киши президент лавозимига даъвогарлик қилмоқда.
Жовенел Моиз 7 июлга ўтар кечаси ўз қароргоҳида ўлдирилди. Ҳужум вақтида унинг рафиқаси Мартин Моиз яраланган. Ҳозирда у АҚШда даволанмоқда.
