Хитой ядровий ракеталарга мўлжалланган юзлаб шахталар қурмоқда – ОАВ

Ядро қуроллари бўйича экспертларнинг сўзларига кўра, Шинжондаги чўл ҳудудларида ракета шахталари қуришга мўлжалланган 800 квадрат километрли майдон аниқланган.

Фото: Reuters

Хитой қитъалараро ядровий ракеталар учун 200дан ортиқ шахта қурмоқда. Бу ҳақда Financial Times хабар берди.

Қайд этилишича, бу ҳозирда Хитойда мавжуд шахталардан 10 марта кўпроқни ташкил этади.

Ядро қуроллари бўйича экспертлар Мэтт Корда ва Ҳанс Кристенсеннинг сўзларига кўра, Шинжондаги чўл ҳудудларида ракета шахталари қуришга мўлжалланган 800 квадрат километрли майдон аниқланган.

Таъкидланишича, ядровий каллаклар сонининг бундай тарзда оширилиши Хитойга қитъалараро баллистик ракеталар сони бўйича Россияни ортда қолдириш имконини беради.