Қашқадарёда хонадонида каннабис ўстириб келаётган шахс ушланди

Қашқадарё вилояти Косон туманида хонадонида каннабис ўстириб келаётган шахс ушланган. Бу ҳақда вилоят ИИБ хабар бермоқда.

Маълум қилинишича, 2021 йил 28 июль куни соат 15:40ларда, Косон туман ДХХ, ИИБ ва Миллий гвардия ходимлари ҳамкорликда ўтказган тезкор тадбирда хонадонида каннабис гиёҳвандлик ўсимлигини ўстириб келаётган шахс қўлга олинган.

Қайд этилишича, Косон тумани «Арабхона» МФЙда яшовчи У.А. молхонасида 14 туп ҳамда боғида 4 туп гиёҳвандлик ўсимлиги парваришлаб келаётгани аниқланган. 18 туп нам ҳолдаги каннабис гиёҳвандлик ўсимлиги тортилганда унинг оғирлиги 26.2 килограмм тош босган.

Таъкидланишича, мазкур ҳолат юзасидан У.А. га нисбатан Жиноят кодексининг 270-моддаси 1-қисми билан жиноят иши қўзғатилган. Ҳозирда тергов-суриштирув ҳаракатлари олиб борилмоқда.

Қашқадарёда ўз хонадонида кўп миқдорда каннабис парваришлаб келаётган аёлга жиноий иш қўзғатилди

Қашқадарёда гиёҳвандлик ўсимликларини ўстириб келаётган шахслар ушланди